Mottisfont_Abbey_Garden.jpg
ЦЕРКОВНОЕ ПРОИЗВОДСТВО
СРЕТЕНСКИЙ ЛИСТОК
listok
ПРАВОСЛАВНЫЙ КАЛЕНДАРЬ

Молитва священномученику Владимиру, митрополиту Киевскому

О священномучениче и исповедниче Христов Владимире!

Услыши слезныя молитвы чад твоих и воздыхания, сердцем сокрушенным и смиренным приносимыя. Се бо беззаконии омрачихомся и того ради бедами, яко тучами, обложихомся.

Но ты, святе Владимире, понеси яко сильный немощи наша, не отлучайся от нас духом,  да не разлучимся в конец от любве Божия.

Призри милостивно на предстоящия и молящияся пред святою иконою твоею и вся прошения их во благое исполни.
Веруем бо, яко твоих страданий ради за отечество и люди  велие дерзновение ко Господу имаши.

Егоже умоли, да укрепит ны в Православии и единомыслии и непоколебимом даже до смерти исповедании веры Христовы, страну нашу да спасет от междоусобныя брани, пастырем нашим да подаст духовное трезвение и ревность о спасении пасомых, правителем же суд и правду, обидимым заступление, недугующим душ и телес исцеление.

Мы же, грешнии, твоим предстательством укрепляеми, восхвалим Господа Иисуса Христа, Емуже слава подобает, честь и поклонение, со Безначальным Его Отцем и Пресвятым Духом, ныне и присно и во веки веков. Аминь.

Тропарь Владимиру, митр. Киевскому и Галицкому
Веры православныя непорочный блюстителю и заповедей Христовых усердный исполнителю, священномучениче Владимире,  Христа всем сердцем возлюбив, паству твою добре упасл еси,
незлобиво мученическую смерть приял еси. Сего ради в вечной славе пребывая, моли спастися душам нашим.

Оставить комментарий

МЫСЛИ О ГЛАВНОМ
  • Смотрите на небо и всякий шаг вашей жизни так соразмеряйте, чтоб он был ступанием туда. святитель Феофан Затворник
ПОМОЧЬ СТРОИТЕЛЬСТВУ ХРАМА
Храм Сретения Господня © 2012 - 2018 . Все права защищены.