Mottisfont_Abbey_Garden.jpg
ЦЕРКОВНОЕ ПРОИЗВОДСТВО
СРЕТЕНСКИЙ ЛИСТОК
listok
ПРАВОСЛАВНЫЙ КАЛЕНДАРЬ

Молитвы перед Владимирской иконой Божией Матери

Vladimirskaja

К кому возопием, Владычице? К кому прибегнем в горести нашей, аще не к Тебе, Царице Небесная? Кто плач наш и воздыхание приимет, аще не Ты, Пренепорочная, надеждо христиан и прибежище нам грешным? Кто в паче Тебе, в милости? Приклони ухо Твое к нам, Владычице, Мати Бога нашего, и не презри требующих Твоея помощи: услыши стенание наше, подкрепи нас грешных, вразуми и научи, Царице Небесная, и не отступи от нас, раб Твоих, Владычице, за роптание наше, но буди нам Мати и Заступница, и вручи нас милостивому покрову Сына Твоего. Устрой о нас, како угодно будет святей Твоей воли, и приведи нас грешных к тихой и безмятежной жизни, да плачем о гресех наших, да возрадуемся же с Тобою всегда, ныне и присно и во веки веков. Аминь.

Молитва иная:
О Пресвятая Владычице наша Богородице, Небесная Царице, наша Преблагая Надеждо, преизящная Отроковице, ненадеющимся надеяние, грешным спасение, сирым прибежище, странным предстательнице, нагим одеяние, скорбящим утешение и радосте, обидимым покровительнице и всем сущим в бедах и напастех вспоможение и заступление! О Всемилостивая Госпоже Дево Богородице! Зриши наша беды, скорби и напасти, помози нам немощным, печальным и унылым, скорбным же и отчаянным, и всяку печаль отими от нас. Обиду нашу Ты веси, разреши ту, Всенепорочная, якоже волиши и можеши, не даждь нам во отчаяние впасти. Не имамы бо иныя помощи, разве Сына Твоего, Христа Бога нашего, и Тебе, о Мати Божия, о Владычице наша! Темже на Твой пречестный образ со воздыханием и сокрушением сердца взираем, и колена до земли преклоняем, взывающе: призри благосердым оком, Всепетая Богородице, и услыши нас, Преблагая, не отрини, но благоволи помиловати, не омерзи нашего воздыхания. Никтоже бо притекаяй к Тебе посрамлен от Тебе исходит, но просит благодати и приемлет дар на пользу прошения во веки веков. Аминь.

Оставить комментарий

МЫСЛИ О ГЛАВНОМ
  • Кто возлюбил, тот будет возлюблен; а кто возлюблен, в том обитает Бог. А в ком Бог, тому невозможно не сподобиться света; первое же преимущество света- познавать сам свет. Так любовь доставляет знание. святитель Григорий Богослов
ПОМОЧЬ СТРОИТЕЛЬСТВУ ХРАМА
Храм Сретения Господня © 2012 - 2018 . Все права защищены.