Молитва преподобному Паисию Величковскому

О, великий наставниче и учителю премудрый всех чающих спасения и подвига духовнаго, преподобне отче наш Паисие!

Ты от юности любве ради Божия оставил еси отечество твое и, в иных странах безмолвия ища, во Святей Горе Афонстей и обителех иноческих Молдовлахии Небесное богатство обрел еси. Ты великим воздержанием в трудех, тесноте и крайнем лишении прлоть свою духови покорив, сокрушение нелицемерное, трезвение бодренное, безстрастие ангельское, молитву сердечную стяжал еси, и сими обновитель древняго иночества и столп Православия показался еси и, яко учитель, наставник и отец чадолюбивый, священный вертоград ученик твоих, иже простре отрасли своя во все концы земли нашей, насадил еси. Сего ради, услыши нас, грешных, верою и любовию призывающих тя и вонми прошениям нашим. Умоли Всещедраго Бога, да сохранит святую Церковь Свою в вере, мире и братской любви, паче же от расколов пагубных и междоусобных нестроений избавит и в непоколебимом благостоянии утвердит, во спасение всех истинно исповедающих пресвятое имя Его. Испроси, угодниче Божий, отечеству и народу нашему ми и благоденствие, изобилие плодов земных и благоустроение весей и градов наших, обителем же иноческим житие богоугодное, да славится в них пресвятое имя Господа Бога и да обретают в них вечное спасение любящии Его. Поомози нам, в суетнем и грешнем мире сем странствующим, отче преподобне, и умоли Господа давровати нам оставление всех прегрешений, и во исходе душ наших избавити нас воздушных мытарств и мучения вечнаго, да молитвами твоими узревше неизреченную славу Христа Бога, возблагодарим тя, яко заступника и предстателя нашего, и прославим Безначальную, Единосущную и Нераздельную Троицу, Отца и Сына и Святаго Духа ныне и присно, и во веки веков. Аминь.

Related Post

Залишити відповідь

Ваша e-mail адреса не оприлюднюватиметься. Обов’язкові поля позначені *