Mottisfont_Abbey_Garden.jpg
ЦЕРКОВНОЕ ПРОИЗВОДСТВО
СРЕТЕНСКИЙ ЛИСТОК
listok
ПРАВОСЛАВНЫЙ КАЛЕНДАРЬ

Три святителя

Three_Holy_Hierarchs
Молитва

О, пресветлии светильницы Церкве Христовы, Василие, Григорие и Иоанне, светом православных догматов вся концы земли озарившии и мечем слова Божия хульных смущения и шатания ересей угасившии! Припадающе к вашему милосердию, с верою и любовию из глубины души вопием: предстояще Престолу Пресвятыя, Единосущныя, Животворящыя и Нераздельныя Троицы, за Нюже словом, писанием и житием добре подвизастеся и души своя полагасте, всегда молитеся Ей, да укрепит и ны в Православии и единомыслии, и непоколебимем даже до смерти исповедании веры Христовы, и во вседушевнем послушании Его Церкви Святей; да препояшет ны с высоты силою на вся невидимыя и видимыя враги наша; да соблюдет Церковь Свою незыблему от неверия, суеверия, ереси и раскола; да дарует народу нашему долгоденствие и во всем благое поспешение; пастырем нашим да подаст духовное трезвение и ревность о спасении пасомых, властем суд и правду, воином терпение, мужество и одоление на враги, сирым и вдовицам заступление, болящым исцеление, юным благое в вере возрастание, старцам утешение, обидимым заступление и всем вся, ко временней и вечней жизни потребная, яко да в мире и покаянии, желанием спасения горяще, Господеви работающе, добрым подвигом подвизающеся, течение наше скончаем и сподобимся в Небеснем Царствии купно с вами всегда пети и славити Пресвятое и Великолепое имя Отца и Сына и Святаго Духа во веки веков. Аминь.

Тропарь
Яко апостолов единонравнии, и вселенныя учителие, Владыку всех молите, мир вселенней даровати, и душам нашим велию милость.
Як апостолів єдиноправні і вселенної вчителі, Владику всіх моліть мир вселенній дарувати і душам нашим велику милість.

Кондак
Священныя и боговещанныя проповедники, верх учителей, Господи, приял еси наслаждение благих Твоих и упокоение: труды во онех и смерть приял еси паче всякого всеплодия, Едине прославляяйсвятыя Твоя.
Священних і боговіщаних проповідників, великих учителів, Господи, Ти прийняв для насолодження Твоїми благами і упокоєння, бо їхні труди і смерть Ти прийняв більше за всяке всепліддя, Єдиний, що прославляєш святих Твоїх.

Оставить комментарий

МЫСЛИ О ГЛАВНОМ
  • Тщетны молитвы и подвиги человека, питающего в сердце злобу на ближнего и желание мщения. преподобный Исаия Отшельник
ПОМОЧЬ СТРОИТЕЛЬСТВУ ХРАМА
Храм Стрітення Господнього © 2012-2020. Всі права захищені.