Boyavlennya_2018.jpg
ЦЕРКОВНОЕ ПРОИЗВОДСТВО
СРЕТЕНСКИЙ ЛИСТОК
listok
ПРАВОСЛАВНЫЙ КАЛЕНДАРЬ

Молитвы в день святых апостолов

Икона «Апостольская проповедь»

Молитва первая

Святии славнии и всехвальнии Апостоли, начальнейшаго Архиерея исповедания нашего, Иисуса Христа, избраннии ученицы и строителие таин Его: Петре и Павле, Иакове и Иоанне, Андрее и Матфее, Филиппе и Варфоломее, Фомо и Иакове, Иудо и Симоне, молите Христа Бога, да от шуияго мира сего пребывания деснаго во царствии Своем сподобит предстояния, из сына противления сотворит мя сына спасения, да и аз совлекуся ветхаго человека и облекуся в новаго, созданнаго по Бозе в правде, преподобии и истине, и мя, в правду грех ради ненавидима, возлюбит и обитель во мне, недостойнем рабе Своем, достойну Себе сотворит, да в правоте веры путем тем ходя, доиду ко Отцу небесному в наследие вечнаго достоинства и тамо, юже зде верою созерцаю, яснее во славе узрю и прославлю Святую Троицу в безконечныя веки. Аминь.

 

Молитва вторая

Владыко всемогущий, Господи Боже наш, избравый возлюбленныя Своя ученики и Апостолы на проповедь спасения всему миру, давый им власть отпущати грехи, приими ходатайства их о роде человеческом, егоже и судити с ними имаши: тех самых, яко другов Твоих, нам зело честных, дерзаем недостойнии в предстательство к Тебе, многопоспешествующее ко спасению душ наших, приводити, моляще их усердно.

 

Святии первоверховнии Апостоли Петре и Павле, Евангелисти Христовы Иоанне Богослове и Матфее, первозванный (учениче) Андрее, водружением Креста Россию благословивый, Апостоли святии Иакове, брате Господень, со другим Иаковом, Филиппе, Варфоломее, Фомо, Симоне, Иудо и Матфие! Вси святии богоизбрании Апостоли, изряднейшии угодницы Христовы, безбожия искоренителие и веры истинныя насадители, помозите нам мощным вашим пред Господом ходатайством, избавитися от всякаго зла и вражия лести, твердо сохраняти преданную вам веру православную, в нейже вашим предстательством ни ранами, не прещением, ни мором, ни коим гневом от Создателя своего умалени будем, но мирное зде поживем житие и да сподобимся видети благая на земли живых, славяще Отца и Сына и Святаго Духа, единаго в Троице славимаго и покланяемего Бога, ныне и присно и во веки веков. Аминь.

Оставить комментарий

МЫСЛИ О ГЛАВНОМ
  • Мы не слышим Евангелие как слова того, которого мы любим. Мы слышим его как идеи. И никогда идея еще не воспламеняла сердце огнем. Любовь разогревала сердце огнем.У нас нет с Ним взаимоотношений, поэтому мы не получаем это любовное письмо. Он не живой для нас. cхиархимандрит Иоаким (Парр)
ПОМОЧЬ СТРОИТЕЛЬСТВУ ХРАМА
Храм Сретения Господня © 2012 - 2017 . Все права защищены.